மலத்தில் ஊறும் சாதி!

வெள்ளை வெளேர்
சட்டை
தும்பைப்பூ
வேட்டி

கையில் காஸ்ட்லி
மொபையில்
கக்கத்தில்
ஐபார்ட்

இருந்தும்
காலத்தை
கடந்து...

அவனுள்
மலம் போன்றே
ஊறிக்கிடக்கிறது.

சாதி.


(200 வருடங்களுக்கு முன்பு  இதே போன்றதொரு சாதிய தாக்குதல் தர்மபுரி பகுதியில் நடந்துள்ளது)

காதலர் தினக் கவிதை!

கா த ல்

ஆற்றையும் ஆற்றை ஒட்டியுள்ள
மண்ணையும்,
 
மண்ணில் எழும்பியிருக்கும்
அரசையும்,

அரசை நிர்மாணித்த
அரசனையும்,

அரசனை மேற்பார்வையிடும்
பேரரசையும்,
 
பேரரசில் குடியிருக்கும்
குடிகளையும்,
 
அசைக்கும் ஆற்றல் உடையது.

கடிதங்களின் பிணங்கள் !

    

                                                                                   மிக நீண்டதொரு
                                                                                   இரவு

                                                                                   அதன்
                                                                                   வெளிச்சங்கள்
                                                                                   இருட்டினுல் அமிழ்ந்து
                                                                                   அழுகையை வெளியிட்டன...

                                                                                   இரவின் யாருமற்ற
                                                                                   தெருவெளியில்
                                                                                   குப்பைத் தொட்டிக்கருகில்
                                                                                   அழுகிய பிணங்களாய்

                                                                                   கடிதங்கள்

                                                                                   சிதறிக் கிடக்கின்றன.

                                                                                   தனிமையின்இருக்கத்தின்...
                                                                                   சுவர்களெங்கும்
                                                                                   இரத்தச் சிதறல்கள்
                                                                                   எழுத்துகளாய்

                                                                                   சிதறியிருக்கின்றன

                                                                                   காடா விளக்கின்
                                                                                   வெளிச்சத்தில்-இம்முறை
                                                                                   அவன் வெளியே
                                                                                   நின்றிருந்தான்

                                                                                  அவன்
                                                                                  வருவதற்குள்...

                                                                                  கைமணிக்கட்டின்
                                                                                  வழிவந்த
                                                                                  குருதி...

                                                                                  இம்முறை
                                                                                 அவன் கால்களை
                                                                                  நனைக்கட்டும்.

                                                                                 காற்றின் அலைதலில்
                                                                                 பிணவாடை
                                                                                 இன்று
                                                                                 அதிகம்தான்.


                                                                                                                                                            -தோழன் மபா 

துளிர்! (கவிதை )

                                               கட்டறுந்து 
                                                                       கிடக்கிறது
                                                                       வாழ்க்கை.

                                                                       வீதியெங்கும்
                                                                       நினைவுகள்
                                                                       காலடிச் சுவடுகளாய்
                                                                       பதிந்து கிடக்கிறது.

                                                                       காற்று
                                                                       வீசும்போதெல்லம்
                                                                       கண்ணில்-நீர்
                                                                       துளிர்க்கிறது.

                                                                       கை கோர்த்து...
                                                                       முகம் பார்த்து...
                                                                       நெருங்கி நடந்து...
                                                                       அருகில் அமர்ந்து...
                                                                       பிரயாணிக்கும்
                                                                       போது....

                                                                       மட்டு மீறி
                                                                       செல்கிறது
                                                                       நட்பு!

                                                                      காலங்கள்
                                                                      திசைகொன்றாய்
                                                                      பிரிபடும் போது...

                                                                      மெல்ல
                                                                      புரிகிறது...
                                                                       
                                                                      நட்பு
                                                                      நட்பாய்
                                                                      மட்டும்
                                                                      தொடர்வதில்லை!.

                                                                                                                -தோழன் மபா

பாரு பாரு நல்லா பாரு !

பாரு பாரு நல்லா பாரு  



 பாலு விக்கிற விலைய பாரு

பஸ்சு போற நிலைய பாரு

ரேட்டு ஏறுன வேகத்த பாரு

பெங்களூரு ஊற பாரு

அம்மா போற ஜோரு பாரு

டாஸ்மாக்கில க்யூவ பாரு

எளைட்டுன்னு ஒன்னு வருது பாரு

குடிச்சிட்டு கிடக்கிற ஆள பாரு -அவன்

பொண்டாட்டி புள்ளைங்க தவிப்ப பாரு

குண்டு(ம்) குழியும் ரோட்ட பாரு

உளுந்து எந்திருச்சி போறான் பாரு

பாரு பாரு நல்லா பாரு!

உன் வேலைய கொஞ்சம் நல்லா பாரு!

இனையதளத்த அப்புறம் பாரு...!

தூறல்!

                                                                                                                                                 

தூறல்!

மழை                                                                                

விட்டப்பின்                                                                  

மரத்தடியில் - நீ                                            

தூறியதென்னவோ      

உண்மைதான்.

ஆனால், 

உலுக்கியது

நான்தானே...!

திருட்டு சிடி!

இதயம் கனத்து

மனம் வேதனை 

கொள்கிறது.

 

புதுப்படத்தை

திருட்டு சிடியில்  
பார்க்கையில்....?!